未來花旦馬櫻僑

年輕一代對觀看一場動輒4、5小時的粵劇，難免抗拒，不過凡事總有例外，好似90後嘅靚女模特兒馬櫻僑，就對粵劇充滿熱誠，更勤力學唱大戲，佢希望將來成為出色嘅花旦。

來自四川成都嘅馬櫻僑，有唔少暱稱，包括櫻桃、小僑、僑僑等，甫出道就深受網友歡迎，皆因佢身材出眾，經常穿着三點式泳衣拍攝寫真，噴血度極高，令網友個個都爭相轉貼佢嘅性感艷照。

勤力練戲

今年20歲嘅小僑，除咗係人氣模特兒外，仲係一名學生，依家喺北京中央戲劇學院修讀戲曲，即係學做大戲。據知佢對粵劇戲曲十分之有興趣，閒時唔使工作，就會操曲練戲。另外，佢好喜歡自己嘅古裝扮相，所以最近接咗《鹿鼎記》網上遊戲嘅代言人工作，飾演建寧公主。網友大讚佢嘅公主扮相十分可人，但一身密實清裝，一啲都唔性感，始終都係着番比堅尼好啲。

進軍影壇

其實小僑都拍過電影o架！好似喺舊年，佢就一口氣拍咗兩部戲，雖然只係飾演小角色，但其中一部係大型科幻古裝片，可以跟劉燁、郭濤、王剛等內地實力演員合作，對小僑嚟講，絕對獲益良多。但佢話最開心嘅，都係可以學以致用，將一啲喺戲曲中學到嘅做手於拍戲時盡情發揮。其實小弟都贊成網友嘅講法，小僑擁有咁好身材，樣子又討好，拍時裝片就最好不過，起碼可以露多啲肉畀大家睇嘛！

馬櫻僑Profile

出生地：四川成都

三圍：34-22-33

身高：164cm

興趣：玩拼圖