火辣歌姬二次胸襲
作為男樂迷，近年除咗有耳福仲有眼福，因為好多中外女歌手除咗歌喉了得，仲相當有睇頭，好似美國嘅Lady GaGa、Beyonce，日本嘅倖田來未同濱崎步咁，都唔介意展露一副姣好身段，而最近亦有一位索到爆晒燈嘅日本歌姬推出寫真集，大騷完美又火辣嘅胴體，佢就係谷村奈南喇。
今年23歲嘅谷村奈南出道4年，其感染力極強嘅唱功固然備受注目。不過，對於好多男士嚟講，奈南嘅美貌以及一副35-23-35嘅激凸身材則更為吸引。而奈南最近推出第2本寫真集《Will》，以未來為主題，充滿Cyber Feel嘅造型，頗為性感，仲大騷一對驕人巨乳。呢本限量發售嘅豪華版寫真集咁正，即使大家唔係奈南嘅歌迷，亦應該要買本嚟支持吓！