世界波：出Trip帶道具　性福高Fun

唔少人都習慣放大假時出外旅行，若然夾到伴侶一齊放假，自然玩得更開心，仲可以趁外遊期間放鬆身心，同伴侶好好親熱吓。不過想享受完美性愛，事前準備工夫當然唔少得，帶定情趣玩具傍身就包無甩漏。

有好多伴侶嘅第一次深入接觸，都係喺旅行時發生嘅！所以一對情侶每次出門，唔多唔少對性事都充滿憧憬，不過想好好享受假期性愛嘅樂趣，事前準備真係唔可以忽略，最基本嘅安全套就一定要帶啦，除此之外，以下有啲瑣碎事，表面睇好似唔重要，但係忽略咗，就隨時會大煞風景，破壞大好假期。

野戰有準備

首先要評估一下自己今次度假嘅目的地，將會有咩地方可以進行性愛，有時除咗酒店房之外，可能仲有啲地方適合曳曳！例如去陽光與海灘嘅地方，就梗係帶定塊防滑軟墊，鋪喺沙灘上談情又好，埋牙肉搏又好，總之舒舒服服。就算砌到激情萬分，都唔怕畀沙石拮親，伴侶一定大讚你體貼細心。

情趣唔少得

其次最好帶定一啲情趣用品，不過唔係叫你帶啲假陽具、震蛋咁激嘅嘢，而係好輕鬆嘅情趣精品，例如床上情趣遊戲、毛毛手銬、性感內衣等，總之玩樂氣氛愈濃厚愈好，旨在調吓情，但千祈唔好搞到好似性愛集中營咁。一來可以增加情趣，二來去到外地可以玩得更放，再加上氣氛營造得好，自然會愈做愈開心，愈做愈激情。

雨林夠原始

此外，不妨揀選一啲環境較陌生嘅地方，如果呢個度假勝地你同伴侶已經去過好多次，就算點苦心經營，有時都會效果欠佳，所以有心出外享受性愛嘅情侶，不妨試吓去一啲熱帶雨林嘅度假勝地。因為根據美國性學專家研究發現，熱帶雨林含負氧離子，有擴張血管嘅作用，能使血液更容易聚集於性器官上，男人嘅持久力更可增強25%。再加上雨林嘅氣氛好易令人引起狂野念頭，可以大大滿足人類最原始嘅性愛慾望。

勿期望過高

最後就係做好心理準備，唔好期望過高之餘，亦要放鬆心情，去旅行本來就已經係一件開心事，如果期望太高，以為自己可以大戰三百個回合的話，最終反而會引起潛在嘅心理壓力，影響性愛表現。再加上去旅行有大把時間，千祈唔好急於一時，不妨每次都做足前戲後戲，搞好氣氛，自然做得投入又舒暢。