世界波：刺激．就手車震好啱Feel

香港可能有唔少人都試過車震嘅滋味，因為早在80年代，飛鵝山已經係有名嘅車震勝地。不過近年好此道嘅人愈來愈多，內地更發展出「車床族」。佢哋認為做愛氣氛和刺激感最重要，選擇做「車床族」就係因為迷上咗有可能被偷窺嘅刺激感，再加上少少罪惡感，令呢啲「車床族」繼續沉迷此逼狹性玩意。事實上，「車床族」已經愈來愈壯大，據美國一項非正式調查統計，美國有90%女人嘅初夜，都係喺車上發生！咁又難怪嘅，美國人去邊都要揸車出入，所以女人坐喺車上嘅時間真係唔少，兩人一旦擦出火花，就梗係要即時解決，車震絕對係大勢所趨！

一撻即着

想加入「車床族」，首先要有份一撻即着嘅激情，因為大家逼喺架車度喁喁細語，摸吓摷吓好易燃起慾火，加上做車床族行事一定要快，事關架車愈停得耐，就愈易引人注意，到時想震都可能震唔切就畀人敲車門叫你開車走。

不過車廂位置有限，可以選擇嘅體位唔多，除咗女上男下最方便之外，一係就去後座玩傳統體位，而且衫褲鞋襪都唔可以除清光，慎防一旦要走鬼，都唔使咁狼狽。

處女殺手

美國經濟在60年代開始起飛，汽車也愈來愈普及，每個家庭都起碼有兩部，所以好多年輕人都喜歡同女朋友遊車河，作為談心節目。結果汽車就係咁樣，無端端成為咗處女殺手。

時至今日，仲有好多男仔鍾意同剛相識嘅女朋友遊車河，佢哋心裏面多數都係諗住可以遊吓遊吓，去到人煙罕至嘅地方，兩個人愈傾愈埋，隨時喺半推半就之下，就可以嚟個即場車震。

偷情地點

根據歐洲一份針對年輕人嘅性調查報告顯示，有超過三分之一嘅年輕人，已經加入車床族，原因係佢哋覺得喺車度做愛，好有偷情Feel，就算明明係光明正大拍拖，都可以即時令性愛增加刺激感，所以樂此不疲。

再加上歐洲酒店房價貴，成日去開房真係負擔唔起，但係年輕人性慾高漲，所以架私家車就順理成章，成為最佳嘅約會場地及偷情地點嘞！