世界波：早午晚三更隨時開餐

香港人喺全球做愛次數排行榜上一向都好失威，經常徘徊在包尾大軍之列！而美國及法國就經常爭冠軍一席位。其實結果都好正常，香港人出名工作拚搏，一日做足10幾個鐘，仲邊有時間做愛？不過醫學界指出，多做愛有益身心，所以由今日起，大家要改變以往淨係夜晚先做愛嘅習慣，實行早、午、晚三更，隨時隨地開餐！

想每一次做愛都得到最大嘅歡娛，除咗要有床上技巧同投入之外，其實喺時間上嘅掌握都好重要，美國性學專家話，一日24小時都係做愛好時機，問題係當事人識唔識得把握啫！

朝早　起床晨操

大多數男人喺清晨醒來嘅時候，都會係處於興奮狀態，不過特別為咗食早餐而早啲起身嘅話，好多女人都唔制，所以早晨快餐最好由男人做主動，而且要用速戰速決嘅態度，千祈唔好畀女人有時間諗嘢，一埋牙就見真章，當然唔係叫你用暴力啦，只不過要出手準啫！

因為要做得好又唔會畀人鬧，就要好清楚對方嘅G點喺邊，有一擊即中嘅效果，咁樣女人先會欣然受落。不過冇知會之下嘅「早餐」唔可以成日食，間唔中發生先至有情趣嘅！

中午　溫馨短敍

從體力角度嚟睇，呢個時候係最強嘅！不過打工仔得一個鐘頭食飯，仲要做愛，好趕啫！如果同情人工作嘅地方相差成個鐘車程，就梗係唔好玩啦，但如果剛好喺附近，平時間唔中都會相約食午餐嘅話，咁又唔同講法。

不過午間短敍最好大家有共識，因為事前一定要安排好地方、買定醫肚嘅三文治等等，夠鐘就各自出現喺目的地，嗰份短敍嘅溫馨感覺，有時候真係好滋味o架。

深夜　激情消夜

其實講到尾，夜晚做愛就真係幾啱氣氛嘅！尤其是深夜時分，黑黑哋，靜靜哋，情人又瞓係隔籬，梗係想做愛做到死。所以一定要把握大家沖完涼出嚟嘅一刻精神，就喺呢個時候發動最強嘅攻擊，務求同對方拚死一戰。

事前最好將房間燈光較暗，兩條肉蟲於黑暗中作樂嘅歡娛，能令人身心愉快，事後必定可以睡得更甜，第二朝返工更加醒神有幹勁添！