派傳單拉客
駐守元朗嘅鳳姐生意真係難做，之前出現「截客黨」，啲街女企喺鳳樓下面搶客，搞到鳳姐們要減價鬥搶客之餘，仲要警民合作，只要街女一出現，佢哋就會報警，最後有關方面，搞咗幾次掃蕩行動，終於將班街女掃走晒。鳳姐以為自此生意得以好轉，但結果一樣咁差，於是佢哋加強宣傳，希望吸引客人幫襯，由於客路都係上咗年紀嘅男人，所以喺網上賣廣告效果唔大，惟有喺報紙賣分類小廣告。所以呢排玩家打開報紙，會發現10個鳳姐廣告，就有4個以上屬元朗區。但有囡囡覺得喺報紙賣廣告，效果都未算最理想，索性親自落街派傳單，不過佢哋唔會喺日頭派咁張揚，只會喺夜闌人靜時才行動，有啲囡囡甚至貼埋街招添。為咗拉客，鳳姐真係乜嘢招數都出齊。