慾照留罪證 為乜係要影？

香港嘅性風氣其實一向都唔係好開放，甚至比內地還要保守，但自從藝人淫照事件同埋最近嘅空姐慾照曝光之後，先知道本地社會性風氣已經靜悄悄起革命，好多男女都沉迷於自拍慾照中。身為性開放一哥嘅美國就更加厲害，根據某著名成人雜誌針對2,300人所做嘅調查報告顯示，有23%嘅女人同埋27%嘅男人，都曾經拍過慾照，數目絕對唔算少。

究竟有咩原因令到佢哋咁沉迷，仲愈拍愈上癮呢？調查報告亦同時綜合咗好此道者嘅意見，列舉出以下幾點原因，正好反映拍慾照會拍上癮之餘，仲分分鐘會拍出禍來！

自我膨脹

原來男人除咗細佬遇到刺激會膨脹之外，心理都同樣會因為外來刺激而膨脹，但呢種膨脹係無形嘅。簡單嚟講，即係覺得自己好叻。當男人受到別人崇拜或是用某種手段，將對方掌控時，心理上就會覺得飄飄然同埋自我感覺良好。所以，如果男人可以說服到對手拍慾照的話，心理上會好興奮，能夠成功將對方最淫嘅一面，同埋為自己服務嘅過程全程拍下，便倍覺自己嘅雄風無限擴大，最終就愈拍愈上癮，愈拍愈自大。

心軟無知

根據報告顯示，大部分女人肯拍慾照嘅原因，其實比較簡單，就係純粹一時心軟，同埋想博取男人嘅好感、滿足佢哋嘅慾望。就算係性開放如美國嘅女人，都一樣會做出一啲為仔死、為仔亡嘅事情。另外有部分美國妹雖然唔心軟，但就衰無知，佢哋認為拍慾照可以將自己最性感嘅一面展露，再加上佢哋拍嘅時候，完全冇諗過會畀人公諸於世，純粹係同情人之間嘅私密情趣，所以防範心降到好低。冇事猶自可，一旦出現情變或者遇人不淑，到時畀人惡意公開先後悔就太遲囉！

炫耀心態

最後呢個原因係男女都同樣會犯上，男人最鍾意向朋友炫耀自己有幾多女朋友，性能力有幾高超等，呢啲慾照就係最佳證明。而女人又鍾意炫耀男朋友有幾鍾意自己，持久力或者細佬尺碼有幾勁，同閨中密友分享慾照時，就可以順便話畀密友知自己有幾性福！結果一傳十、十傳百，最終全世界都知你哋有幾「恩愛」。如果是但一方唔生性，將慾照擺上網，隨時更會因此而身敗名裂、工作不保。所以為咗保障自己，拍慾照前真係要諗清諗楚至好呀！