森下悠里做人妻
日本水着界天后級人馬森下悠里，最近宣布做咗人妻。幾時嫁？原來只係拍戲啫！森下最近拍咗一部由漫畫改編而成嘅電影，名字叫做《夫妻成長日記》，個名好似咁熟嘅？冇錯！就係我哋細細個嗰陣，日日哺住喺漫畫店追睇嗰本成人漫畫囉！
呢本漫畫由克亞樹編繪，自97年面世開始，一直出到依家，可以話係最長壽嘅成人漫畫之一。呢本漫畫之所以咁成功，除咗內容風趣抵死，涉及情慾場面外，仲教曉大家對愛情嘅付出同珍惜，深受日本漫畫迷歡迎，唔少宅男更係喺漫畫中學習性愛技巧。
今次拍成電影，相信單係套戲名就已經夠吸引，何況仲有G奶女神森下做主角，據日本嘅傳媒報道，有唔少鏡頭森下都全裸演出，雖然冇露點，但都足夠令觀眾大飽眼福，而DVD鐵定於9月頭推出，漫畫迷同埋森下迷記住買番隻嚟捧吓場喇！
《夫妻成長日記》
演出：森下悠里、三浦力、橫山美雪
片長：80分鐘
售價：¥3,999（約HK$400）