瑜伽性愛春藥都慳番

瑜伽應該係咖喱以外最風行全球嘅印度國技，呢種運動除咗有益身心之外，其實對性愛也有莫大益處。世界著名私人瑜伽教練馬丁費弗話練瑜伽可以令身體更加靈活，筋骨更加柔軟，力量更加充足，自然更能深入地體會性愛歡娛，令性愛變得妙不可言。

美國有個YogaSexPorn網站，早已提倡將瑜伽融入性愛當中，除了有助提升雙方的性歡娛之外，更可以令性愛增加刺激感，例如一些高難度動作，配合咗瑜伽動作之後，就更能享受箇中樂趣。大家喺投入瑜伽性愛之前，不妨了解一下瑜伽性愛嘅奧妙！

魅力大增

一般嘅弓身姿勢，將前胸伸展開來，藉此釋放緊張情緒，讓血液在腹部充分循環。此動作能夠調節身體和四肢嘅循環系統，久而久之嘅操練，令身體靈活度大增，同時也能促進女性生殖系統健康。多做呢個基本動作，令身體四肢靈活，自然可以喺床上舞上舞落，揮灑自如，再加上生殖系統健康得到改善，令女人更加容光煥發，床上魅力大增。

燃點慾火

盡量分開兩腿能夠收縮腿部肌肉，讓血液喺骨盆充分循環，全身嘅活力慢慢被貫注，隨時隨地都可以燃起慾火。職業女性平日工作咁忙碌，返到屋企仲邊有精力做愛，久而久之就會令雙方嘅激情轉淡，繼而引發感情危機。所以多做「劈腿」瑜伽動作，伴侶不但唔介意，仲會讚你愈來愈可愛，大大增加性愛樂趣。

春藥效果

前傾嘅瑜伽姿勢能夠有效地促進性健康，令到骨盆和臀部得到放鬆，增強性腺素嘅分泌，印度更有傳說，話呢個動作有回復青春嘅功效，雖然可能誇張咗啲，不過多做都無妨吖。要知道性腺分泌能夠直接影響女人嘅性慾，如果可以有效刺激的話，等同食咗春藥嘅效果一樣，不過就健康好多，唔會有任何副作用，性慾提升之餘，身心又健康，一舉兩得。

釋放激情

此外，喺瑜伽中有一個好簡單嘅雙腿對摺，坐直身子嘅打坐動作，可以令疲憊嘅雙腿回復活力，靜坐幾分鐘，打開嘅臀部就會幫助你釋放潛在嘅激情。如果發覺自己平日嘅性愛生活好刻板的話，不妨每日抽少少時間打坐，燃情效果可能事半功倍。