索女任鎅
想睇女好簡單，只需上網Click兩Click，三仔四仔任君睇，淫賤騎呢應有盡有，唯獨欠缺神秘感！假如你都有呢種感覺，不妨「單撈」呢個《Sexy Touch》Apps嚟玩吓！
70後嘅男士，細個去打街機都應該玩過鹹版貪食蛇遊戲，背景係一件神秘「索女」，食得愈多，背景條女就露得愈多。雖然都係三點不露，但反而玩到大家慶合合，打完街機返屋企都想打多次「機」！
呢個Apps都有啲類似，但玩法就簡單得多。只要用家跟住遊戲嘅線路鎅，背景就會慢慢露「餡」，鎅錯咗、鎅歪咗可以由頭嚟過。遊戲由淺入深，囡囡亦由碎料變猛料，截至目前已有超過30款場景，成功過關時，囡囡更會發出「Sexy Voice」恭喜你。官方話已經有超過100萬人下載，不過奉勸各位麻甩佬唔好喺街玩，否則細佬頂唔順企起身，咁就唔使「鎅」都知你咩料啦！