咖啡女郎之真相揭盅

我走入廚房準備煮早餐,感覺好像跟她已經建立了一個小家庭一樣,心裏面那種安定感是前所未有的,或許我應該早點向她求婚,反正經過這次事件之後,我已經發覺自己不能沒有她。

我一邊煎蛋,一邊盤算着求婚的細節,突然門鐘響起,我心感奇怪,誰會在大清早來我家拜訪呢?我帶着滿面疑惑出去應門,怎知打開門之後,就被眼前的景象嚇呆了,因為眼前的人,正是我打算求婚的對象,但浴室內的那一位又是誰呢?

孖生姊妹

我完全不知道發生甚麼事,她見我一面錯愕,卻好像洞悉了一切,她十分鎮定地行入屋,然後問我:「佢喺邊?」我一時間不知如何回應,她自己也聽見了浴室的水聲,於是再問:「喺浴室?」我只能點一點頭,但卻沒辦法說出一個字。

她走向梳化慢慢坐下,我這時才醒起還未關門,於是關上大門,回頭便問:「你哋係孖生姊妹?」她慢條斯理地答:「係,佢係我嘅孖生細妹!」這時我才恍然大悟,一個熱情、一個冷靜,到底我喜歡的是哪一個呢?一時間我也不知道。

兩個都愛

冷靜的大孖望了我很久,然後開口說:「呢個妹自細已經同我對立,但凡我擁有嘅嘢,佢都會搶,我已經將我哋嘅關係收得好密,但佢都係知道咗,如今上門搵你,目的就係要令我唔好過。」我聽了她的解釋,開始慢慢明白,不過我心裏面一直浮現出細孖在床上那份激情。

大孖好像看穿我的心事,忽然單刀直入:「你係咪發覺自己已經愛上咗佢!」我第一個反應是想講大話,但卻不忍心騙她,於是我鼓起勇氣:「我知道自己唔啱,但確實兩個我都鍾意!」她對於我的答案並不太愕然,反而好像意料之內,她繼續說:「呢啲事已經唔係第一次發生,我唔會逼你,你自己決定揀邊個啦!」(待續)

七瀨