囡囡四圍搵人包
內地有家室嘅老友，佢哋嘅老婆成日都會喺屋企搞相睇飯局，叫老公搵啲兄弟上嚟食飯，順便介紹啲姊妹畀佢哋認識。我劉夢吉就經常出席呢啲飯局，好似一個住喺布吉嘅老友，佢老婆每個星期都叫我上去佢屋企食飯，而每次都會介紹一個姊妹畀我識，真係唔知佢喺邊度搵嚟咁多女。啲女仔嘅樣子都唔錯，至於職業方面，有啲做酒樓侍應，亦有啲做文員，佢哋大多數學歷一般，月入只有千零二千蚊，由於唔夠使費，所以佢哋希望畀人包養，有人租間屋畀佢哋住，每個月有3,000蚊零用錢使，一般情況，包養費約5,000蚊搞掂晒。但我每次都會同阿嫂講話睇唔啱心水，因為我知道好多女仔其實同時被幾個港人包養，所以就算個女仔幾靚都好，我都唔會上當呀！