內衣雜貨妹送上門

日本人好鍾意買家居雜貨，所以喺日本開雜貨店，係一門長青嘅生意。最近東京開咗間別開生面嘅雜貨店，吸引一眾男士們幫襯，事關店舖由三位青春少艾主理兼做售貨員，佢哋更穿着內衣褲開工，爬高爬低，任(目及)唔嬲，仲會親自送貨上門，男人點會唔Like吖！

好多日本男士風聞有呢間咁筍嘅雜貨店，日日放工就走去幫襯，所以店舖開張唔夠一個月，生意大旺，估計唔使三個月，呢間舖就可以回本，三位少女真係有身材又有腦袋，抵佢賺嘅！

任影唔嬲

三位少女穿着內衣看舖，就預咗行另類路線，所以男顧客入到嚟喪(目及)，佢哋一啲都唔介意，仲無任歡迎添！有時為咗增加可觀性，佢哋仲特登喺店內爬高爬低扮執貨，睇到啲麻甩佬流晒口水，甚至有啲攞部相機出嚟拍攝，三位少女當然任影唔嬲，好鬼拚搏。

親自送貨

相信好少人會去雜貨舖買嘢買到要送貨，但呢間雜貨舖嘅客人就唔同喇！佢哋盡可能都要買夠一定數量，然後要求送貨。因為三位少女為咗增加生意額，提供免費送貨服務，由其中兩位少女親自送上門，仲入屋幫客人陳設埋，真係細心又周到，好多顧客就係希望趁佢哋上門嘅時候，可以有進一步發展，所以幾大都買多啲嘢，要求囡囡送貨上門囉！