性戰唐樓豪宅

話說上星期五，我一放工就去咗食意大利菜，夜晚仲轉咗場去「億元會」睇牛仔，嗰晚唔止台上嘅DJ牛仔夠勁，台下都畀我(目及)到好多靚仔有型、一身肌肉仲脹卜卜嘅牛仔，佢哋着住條窄身牛仔褲，下身兜到實一實，我梗係打雀咁眼(目及)到實啦。

依家呢個世界，再唔係只得男人(目及)女，女人都一樣可以對男人評頭品足，尤其是周末出得嚟玩，就預咗有嘢落肚，唔係點叫集郵女先！經我對電眼(目及)咗一輪之後，終於搵到個Size同外表都啱我口味嘅！講多無謂，大家眉目傳情一輪，佢就Feel到我已經發出春情訊號，有經驗嘅男人都應該知道下一步要點做，點知佢竟然冇即刻行動，仲企喺原位等拍戲一樣，我心裏面真係有啲火，難得我Barbara姐(目及)中你，仲要扮高竇？

結果我好快就識咗另一位Size細少少，住喺上環間唐樓豪宅嘅靚仔，雖然睇落去係冇咁雄偉，但最重要係佢話自己住喺「226」喎！即刻加200分啦！我就係咁樣翹住呢位「中碼」喺「大碼」身邊行過，我隱約見到佢眼神有啲悔意，不過一切已經太遲，我今晚決定食意式肉腸，佢呢類德國肉腸都係大而無當。我同中碼牛仔離開咗億元會之後，就即刻跳上的士直飛226，2千幾萬一層唐樓，唔係人人都識得欣賞，不過就好啱我品味。估唔到今晚畀我釣到條大魚，一次過滿足晒我三個願望，有仔食，有心儀性地，仲可以幫我出口氣，簡直係美滿嘅一夜。

雖然「中碼」床上表現人如其名，中規中矩，不過勝在持久力強，帶我上咗幾次高峰，心情都豁然開朗晒。點知第二朝，當我起身嘅時候，竟然發現佢已經煮好早餐等我……

（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。