鳳姐甘願養仔

這位鳳姐D由骨場轉戰鳳樓，轉眼已差不多一年了，雖然這一年間不是經常跟她碰面，但只要見面，她總愛拉着我東說西說的，主要是抱怨，偶然也談談她行內的聽聞，例如某某鳳姐遇到個「好客」，很快已經打得火熱，往後更由客人和囡囡的關係變為男女朋友，不過這個男朋友很快已經展露了本色：咬起老軟來，不過當一眾姊妹都替她不值時，她仍然默默承受：「搵埋啲辛苦錢益晒人係就係蠢，但呢行啲女人心靈好鬼空虛，一畀人撻着咗，真係好難收得番，老實講吖，如果真係醒嘅，都唔會咁嘅年紀，仲出嚟做啦！」鳳姐D口是說其他人，其實也在說自己。

認識D的時候她已經三十過外，在骨場半紅不黑，後來她嫌那行黑暗，應付客人、小姐房內的派系鬥爭之餘，還要面對那幾位經理、主任（都是老闆們的親朋）的壓榨，於是把心一橫，就跑出來自立門戶做鳳姐，以為這樣就可以天空海闊嗎？這一年，她被偷、被搶、被騙不計其數：「嗰啲衰人咪專蝦我做呢行唔敢出聲囉，老實講，我都係搵食啫，唔使付出o架？」