10大搞嘢勝地
要數搞嘢勝地 ,真係人人都唔同,美國有成人網站最近做咗一個調查,公布10個最容易冧到囡囡上床嘅地方。不過可能因為文化差異,有啲竟然係被我哋東方人視為禁忌嘅地方,到底10大裏面有啲乜,即刻為大家揭曉!
No.1 女友閨房
無論任何年齡嘅男女,只要家中環境許可(冇人喺屋企),都鍾意帶伴侶返家談心。但正所謂孤男寡女,共處一室,女仔必有損失,傾傾吓就好易傾到上床,能夠排第一,可謂意料之內。
No.2 時鐘酒店
美國嘅年輕男女,好鍾意拍拖遊車河,喺車廂內玩到慾火高漲時,若然唔想玩車震,最方便就係去Motel(汽車旅館)。有冷氣又有涼沖,而且仲有「袋」送,認真方便。
No.3 沙漠
係咪好匪夷所思呢?原來美國人好鍾意去沙漠睇星星,一邊數星星,一邊談情,慾火話咁易撻着。而且夜晚嘅沙漠溫度低,兩個人肉帛相見,互相取暖就啱晒!
No.4 五星級酒店
呢啲情況通常係早有預謀,約囡囡燭光晚餐前,已經喺樓上開定房,等囡囡飲到有幾分醉意,就上房風流快活,不過就稍為欠缺新意。
No.5 郊外
蓆天幕地,最適合愛打野戰人士,唯一缺點係多蚊多蟲,做做吓可能要起身走人。
No.6 墓園
據講外國墓園有好多隱蔽地方好適合男女談心,加上綠草如茵,傾傾吓乾柴烈火就會即席開戰。乜佢哋唔驚搞搞吓有啲「好兄弟」出現,嚇到縮陽咩?
No.7 海邊
兩人喺海邊鴛鴦戲水,自自然然會攬攬錫錫,最後順其自然咪即席開戰囉,喺水度浮吓浮吓咁進攻,感覺好爽o架!
No.8 農莊
農莊有乜好玩?美國嘅農業發展不俗,當地更有不少農莊,好多屋企有農莊嘅男女,都喜歡喺穀倉或者馬廐內咿挹,認為別有一番風味。不過啲禾稈草咁拮肉、又污糟,我就唔制喇!
No.9 的士高
男女熱舞狂歡,再加上酒精影響,自然容易性慾高漲,呢個時候若然有包廂當然係最適合嘅開戰場地,冇嘅亦可以喺的士高內嘅洗手間速戰速決。
No.10 學校
學校係求學問、學禮儀嘅地方,但偏偏性開放嘅美國人,就好鍾意喺校園裏面偷情,事關美國啲學校大部分都面積寬敞,校園內仲有不少畀學生休憩嘅草地,喺樹蔭下同情人親熱,夠晒方便。調查話有近5%嘅男女都試過喺校園親熱喎!
睇完美國人嘅10大搞嘢熱點,唔知有幾多個你曾經試過,又或好想試呢,若然你仲有其他好提議,不妨寫信嚟話畀我哋知吖!