賊喊捉賊
深夜時分，正當駐守派出所嘅警員肥明焗緊杯麵嘅時候，電話突然響起。肥明接過電話之後，電話另一邊廂傳來一把男人聲話：「救命呀！呢度係××女子大學嘅宿舍呀！」肥明追問：「先生，你冷靜啲先。咩事嗌晒救命呀？」男人氣急敗壞咁話：「呢度有專偷胸圍底褲嘅小偷呀！麻煩你即刻過嚟捉佢啦，如果唔係會好危險o架。」肥明又問：「你係咪宿舍嘅保安員呀？」男人就答：「唔係呀！你唔好問咁多住啦，快啲嚟啦。」肥明繼續問：「你唔通係校長？」男人就話：「唔係呀！我係嗰個小偷呀！我頭先潛入去偷胸圍嗰陣，唔小心嘈醒咗班女學生，佢哋叫醒晒成間宿舍嘅女學生，仲拎埋鉸剪將我重重圍住，你仲唔快啲過嚟，我真係小命不保呀！」