世界波：英男沉迷制服范特西

早前有研究指，男人一日約有7、8次性幻想，而經常出現嘅幻想對象，則係唔同造型嘅索女。究竟邊種造型嘅女性，最令男士想入非非、充滿范特西（Fantasy）呢？英國就有電視台進行咗個調查，發現有三個Look嘅索女會讓英國男士「慾」罷不能。

呢個由英國第4頻道《The Sex Education Show》進行嘅調查，主要透過電話問卷、網上調查同電話訪問嘅方法，訪問咗約7,500名成年男士，睇吓邊種造型嘅女士，最讓佢哋產生性幻想。結果發現，最能引起男士遐想嘅首推護士服，其次分別係法國女僕服同埋空姐制服。

幻想與現實

呢個結果其實同之前其他關於性幻想造型嘅調查結果相若，護士服係眾男嘅首選。喺一眾受訪者當中，有高達54%嘅男士表示，護士制服最能讓佢哋想入非非。

不過問到佢哋幻想中嘅護士服係點時，答案都幾騎呢，事關佢哋認為護士服應該係白色緊身迷你裙、白色護士帽、魚網絲襪，再配埋一對高踭鞋。大家有啲常識嘅話，都知道正常啲護士都唔會着迷你裙，返工嘅時候更加冇可能着魚網絲襪同高踭鞋，呢種護士造型，通常只會喺四仔出現。

情迷法國風

至於另一個最能讓男士想入非非嘅女性造型，就係女僕服嘞！不過調查就指明，所謂女僕服係特指法式女僕服，即係黑色連身喱士短裙嘅款式。調查指，有28%嘅受訪男士認為，法式女僕服好易引起佢哋嘅性幻想，主要原因係同法式女僕服嘅黑色低胸短裙設計有關。

黑色畀到男士神秘內斂嘅感覺，加上女僕喺做家務時，經常彎腰同擒高，容易倒奶兼露底，好易睇到男人支炮頭岳岳。再者，英國男士好鍾意幻想，喺屋企同女僕孤男寡女共處一室，乾柴烈火下就出現主人情挑俏女僕嘅一幕，難怪佢哋咁Like法式女僕服啦！

緣分的天空

空姐樣靚身材正，固然有唔少男士讚好，因此空姐制服能夠打入三甲，亦係意料中事。不過嗰12%認為空姐服好索嘅英國男士當中，卻有超過七成嘅男士表示，佢哋之所以鍾情空姐服唔係因為空姐索或者殷勤、溫柔嘅態度，佢哋之所以食指大動，係因為飛機旅程大多乏味，而空姐長期喺機上，應該比佢哋更加芳心寂寞，喺呢個密閉嘅空間中，兩顆寂寞的心走埋一齊，好容易擦出火花。最重要就係當落機後，雙方就各行各路，互不相干。班英國男士之所以咁諗，原來係因為可以o趙完鬆兼冇手尾嘛！