入鄉隨俗
家陣啲北鳳，好多都唔信鬼神，所以佢哋唔會喺鳳樓裏面裝香拜神，但係咪話佢哋真係唔信鬼神呢？咁又唔係喎，時近盂蘭節，有啲北妹都話要拜埋一份，好似前兩日，我上咗去銅鑼灣一幢鳳樓搵個天津妹敍舊，一出電梯，就見到佢身穿透視睡衣，攞住疊衣紙，準備响門口燒衣。佢解釋話鬼節要燒衣祭啲遊魂野鬼喎！真係畀佢吹脹，我話邊有人响門口燒衣o架，傳統習俗係要落街燒衣，而且喺門口燒嘢，會被人投訴。佢聽我咁講，就想搭電梯落街，我話你着到咁惹火落街，到時真係惹鬼啦！於是佢立即入屋換咗衫，然後拉埋我一齊落街燒衣。但佢除咗衣紙之外，乜嘢祭品都冇，惟有去附近便利店買盒豆腐花加兩盒豆奶頂檔，我教佢要喺十字路口燒衣，咁至啱傳統規矩。佢雞手鴨腳搞完之後，滿心歡喜咁離開。佢話因為成日匿喺鳳竇，不見天日，好易就會疑心生暗鬼，為求心安理得，所以就入鄉隨俗，喺盂蘭節燒街衣囉！