守望相助
最近又有鳳姐畀賊打劫，啲賊人真係好無良，鳳姐嘅皮肉錢都唔放過，真係唔係人嚟o架！但咪以為啲賊人可以輕易逃出法網，事關鳳姐為防止賊人光顧，家陣喺鳳樓門口嘅天花板同地下，都裝咗多部閉路電視，所以無論賊人戴帽抑或頭耷耷，都會影到佢哋個樣。同時，鳳姐之間亦會守望相助，將賊人嘅相片傳開，等囡囡們認住個貓樣，慎防放賊入屋，所以冇乜連環劫匪可以逃出法網。
早兩日，我同一位陀地鳳吹水，原來佢曾經幫手捉過一個專打劫鳳姐嘅賊，話說隔籬屋嘅姊妹接正個有打劫鳳姐前科嘅嫖客，但由於開咗門，焗住畀對方入屋，之後個姊妹假裝話要打電話畀雞頭報鐘，其實係打畀陀地鳳講求救暗號，於是陀地鳳立即報警，冇幾耐，有兩名軍裝警察上嚟，將個嫖客捉住，最後將佢繩之於法。