好人有好報
喺一次墜機意外當中，兩男一女總共三個生還者流落荒島。三人為咗搵食物同水源，於是深入森林地帶。但係，沿途就遇上一班土人，並且將佢哋捉住帶返村落。土人將三人帶到村長面前，聽候發落。村長話：「你哋三個入侵我哋條村，已經觸犯死罪。」男人A即刻求饒話：「唔好殺我呀！我平時成日參與義務工作，幫過好多人o架！呢張一級義工證就可以證明喇。」村長睇過之後，點點頭話：「你都算係好人，放你走啦。」然後就拎出一條小型飛機嘅鎖匙叫佢離開。佢再問男人B：「咁你又做過乜嘢好事呀？」男人B就話：「我都成日去探訪災區小朋友o架！呢張就係我同佢哋嘅合照喇。」村長睇過之後又點點頭，又畀一條飛機鎖匙佢。之後佢再問個女人，女人就話：「我做小姐嘅，平時幫好多男人解決慾火，都算係好事啦。」村長點點頭，再指示女人去一間大茅屋。女人就話：「入面唔似有飛機畀我走喎。」村長就話：「嗰間係我間屋嚟o架。」