蛇頸妹 獨身主義
相書形容嘅頸項，總共有十幾種，其中有種大家一定要認識，就係蛇頸。特別係女性，如果條頸好似條蛇咁樣曲法，胸部向後但個頭向前耷得好低，望人時雙眼向上瞪，呢種體態就為之蛇頸嘞，呢種人多數都係窮苦大眾。
但窮都唔緊要，最大問題就係佢哋自尊心超強，只要有人得罪佢哋，佢哋就會想盡辦法報復，絕對係危險人物。佢哋十分自我中心，保護自己嘅意識好強，唔會輕易接受男人嘅愛，絕大部分嘅囡囡都會選擇獨身，甚至成世都未嘗性滋味。
當佢哋遇上心儀嘅男性，就會默默咁守護佢，只要有人欺負佢哋嘅暗戀對象，佢哋就會出手教訓。所以身邊如果有啲咁樣身形嘅囡囡，交往時真係要特別小心，千祈咪得罪佢哋呀！