色情短訊校園發送
小弟讀中學嗰陣，曾經暗戀一位同班女同學，更寫情信向對方表白心迹，可惜，情信寫得太行，沒有寫上深情字句，結果未能奪得芳心。時至今日，相信冇幾多學生會寫情信，唔係因為佢哋懶，而係互傳色情SMS已經成為唔少中學生之間溝通嘅大趨勢。早前美國一本著名雜誌就中學生收發色情SMS嘅情況進行調查，結果發現78%嘅中學生收過色情SMS，56%收過附加色情影像嘅訊息。最離譜嘅係，調查結果同時發現有三分之二嘅中學生，竟然有傳送過色情SMS畀人。嘩！真係不得了，互傳色情短訊咁盛行，久經訓練之下，呢班學生將來一定寫得一手相當好嘅色情文章。