最貴的底褲
肥牛、肥賢、肥寶三個都係暴發戶，佢哋最鍾意炫耀個人嘅財富。呢晚三人又相約去高級會所，一邊品嘗名貴紅酒，一邊吹水。酒酣耳熱之際，做皮具生意嘅肥牛呷一啖紅酒，然後指住大肚腩上面嘅皮帶話：「呢條皮帶係由鯨魚嘅陽具皮製造，而個皮帶扣就係用鈦金屬造，價值10萬蚊o架！」做開鐘錶生意嘅肥賢聽到之後，就舉高隻手不屑話：「唓！好巴閉咩！我呢隻鑲鑽手錶值成百幾萬啦！」呢個時候肥寶企起身，然後除咗條褲，指住條底褲話：「我呢條底褲值500萬添呀！」肥牛就話：「吓，你條底褲普通貨色咋喎！」肥寶坐低，拎起酒杯，無奈咁話：「前幾晚，我同個私鐘妹開房，點知做完之後，佢收埋咗我條底褲，話除非我畀500萬佢，否則就會拎條底褲去搵我老婆呀！」