朋輩影響失豬快
由於小弟性格愚笨，做任何事都慢吞吞，所以同精明能幹、做事又快又企理嘅兄長，性格可謂南轅北轍，因此亦唔多啱傾，令小弟嘅成長有點兒孤單。猶幸小弟身邊有唔少朋友，佢哋唔單止陪我成長，仲教識我好多好多嘢，例如如何欣賞日本AV，從此搞到我每日都要用AV送飯。事實上朋輩影響對於任何人都好重要，好似美國最近一項針對朋輩影響力嘅調查，亦有一個有趣嘅發現，就係受訪嘅學生當中，其朋友如果曾經試過做愛，有18.5%會於未來一年內亦會同異性發生性行為，比起正常比率高4.5%。即使學生嘅朋友曾經試過同異性有親密接觸，例如係接吻同愛撫，亦有26%學生於未來一年內同朋友一樣進行同類行為，比起正常比率高4%。換言之，朋友如果先失豬，其好友亦唔會守得隻豬幾耐。咁我決定下次溝女亦好好運用呢個原理，先向目標嘅好姊妹埋手喇！