眼尾勾圓心必奸
有人問做夜場囡囡有冇樣睇，其實睇吓佢對眼就會知道，喺夜場工作嘅囡囡，10個當中差不多有7個眼尾都有微勾，一笑時，更會呈一個圓圈狀，呢種囡囡過於機靈，一般打工仔或者做家庭主婦，絕對唔適合，最終有唔少都會轉撈偏門或不正常行業。
所謂不正常行業，未必一定係指夜之女，主要係指冇固定收入嘅工作，用少啲腦都生存唔到，娛樂圈唔少大牌天后，佢哋眼尾都有勾圓特徵，為人做事精明，見人講人話，見鬼講鬼話，好識做人。
佢哋為咗取得成功，好多時都會耍啲手段，甚至利用愛情，令人覺得佢哋嘅感情生活真假難分，只要男方一日仲有利用價值，佢哋都會好好利用。而性事對於佢哋嚟講，亦可以係爭取名利嘅工具，有時甚至連佢哋自己都分唔清真假，連自己都呃埋。