見慣見熟
肥文是個美術教授，亦係雕塑家，而講到芸芸作品中，佢最滿意就係擺喺工作室內、一個裸男大理石像。每次有訪客嚟到，佢都會帶對方欣賞呢件作品。今日有個著名藝術顧問老友嚟搵肥文，佢當然要帶對方去睇吓佢件得意作品，點知入到展覽室，肥文個老友見到石像就笑到碌地，不明所以然嘅肥文於是睇真啲個石像，即時嬲爆並叫佢個俏秘書美華入去。肥文指住石像支炮問美華：「呢間房得你一個人入到嚟，係咪？你話我知究竟發生乜嘢事！」美華急道：「尋晚我入嚟摷嘢，唔小心撞斷咗佢，咪搵萬能膠黐番佢囉！」肥文氣道：「黐還黐，但都冇理由咁黐！支炮本來係朝下面，點解家陣變咗朝天o架？」美華面紅解釋：「因為我見過嘅男人，支炮都係咁樣嘛……」