頸生黑痣 樂於助人
原來喺相學上，頸後生有黑痣嘅女性，代表佢好有奉獻精神，肯為別人無私奉獻，起初我都唔係好相信，於是走去啲慈善機構睇吓，發現一啲日日嚟幫手，仲勤力過職員嘅義工，十居其九頸後都生有黑痣，竟然同相書上所講嘅好脗合。
頸後有痣嘅女性，除咗樂於助人外，仲係一位感情豐富嘅女性，佢哋見到人哋開心就會開心，見到人哋傷心流淚亦會跟住喊，好受現場環境同身邊人嘅影響，年輕時可能經常畀男人欺騙，到年紀漸長，自會搵到一個合適嘅如意郎君。
由於人生閱歷豐富，所以好多事唔使多講，就能明白別人所需，喺性事上亦一樣，佢哋好識得配合丈夫，希望丈夫得到最大嘅快感，但往往忘記自己嘅需要，所以做佢哋老公嘅咪咁自私，照顧吓佢哋嘅需要，自然會夫妻生活美滿，白頭到老。