牙疏婦o趙完唱
唔少女人都鍾意圍埋講是非，當中通常負責「報道新聞」嘅成員，佢嘅牙齒大多數都生得十分疏落，原來喺相學上嚟講，女士牙齒生得疏兼有罅，就代表佢哋唔可以保密，經常講是非，但佢哋又好得人心，身邊有唔少朋友。
特別係當朋友有事時，佢哋一定會第一個衝出去幫人，所以身為佢哋嘅朋友，真係要選擇性透露秘密，否則一定畀佢唱到街知巷聞。雖然佢哋性格外向，但一見到老公就會鵪鶉咁樣，乜都聽晒老公話，絕對係一個好太太。
房事上，佢哋亦一樣會聽晒老公話，老公話點就點，就連聽番嚟嘅特別花式亦會主動示範，所以夫妻生活十分愉快。唯一美中不足就係佢哋收唔到口，會將老公嘅性愛表現同朋友分享，老公英勇就冇所謂，否則實畀人笑到面黃啦！