裸體踩車為爭「徑」

早前財政司發表嘅財政預算案備受抨擊，除咗因為大幅增加煙草稅之外，增加首次汽車登記稅亦係原因之一。不過，小弟覺得政府表示增加首次汽車登記稅可以減低路面車輛，亦可以減低汽車廢氣實在情有可原，但個人認為政府要同時增設埋單車專用路段囉。希臘人亦覺得呢個提議相當好，而且仲瞓身支持添！

三點不露

喺6月頭，位於希臘北部嘅城市薩洛尼卡（Thessaloniki），就有過千名男女為咗向政府爭取喺全國設立單車專用徑而上街遊行，目的係為咗減低廢氣排放，保護環境，而且仲可以減低交通擠塞情況添！

喺呢班男女遊行嘅時候，為咗響應主題，更齊齊踩單車上街，而且有唔少男女更全裸或半裸上陣，務求引人注意，所以遊行當日，街上不乏全裸美女四圍走。

即使有美女三點不露，亦只係僅僅以人體彩繪或膠紙遮住三點，街上可謂滿布春色！雖然唔知遊行最後能唔能夠成功爭取單車專用徑，但小弟卻希望佢哋可以繼續努力，嚟多次裸體單車遊行，下次如果早少少發布消息，熱愛踩單車嘅小弟都會考慮去參加埋一份嘅！