配種
肥然養咗一頭公豬，平日隻豬只會食同瞓，所以搞到癡肥，行每一步路都好吃力。呢日朝早肥然收到一個電話，原來係隔籬村花姐想搵佢配種，肥然嚇咗一跳，花姐馬上澄清，只係想搵隻豬公幫手，解決佢農場正在發情嘅豬乸嘅需要，並答應在事成之後，生到幾多隻豬仔，全數分一半畀肥然。見有着數，肥然立即應承，跟住佢就將豬公搬上手推車，推過去隔籬村。到達目的地後已經天黑，於是佢同花姐拿拿臨推豬公入豬欄同豬乸配種。半年之後，花姐果然冇食言，肥然得到四隻豬仔拎返農場飼養，點知豬公竟然唔畀啲豬仔入欄，肥然問豬公點解咁做？豬公就話由於當日交配時環境好黑，搵極都搵唔到個洞，結果唔成事，咁點會生到豬仔，呢四隻豬仔，一定係隻豬乸勾佬生出嚟嘅，所以唔好逼佢食死貓，肥然畀豬公激到紮紮跳。