Alanah Rae黃金比例

九頭身係身材黃金比例，咁女性咪咪標準又點呢？原來從正面看，以臉部大細同咪咪1：1，咁就為之完美喇！呢件事係由脫星Alanah Rae話畀大家知嘅！而阿妹亦身體力行，早於5年前已開始為咪咪「僭建」，經過多次實證，到今日終於打造出一對完美咪咪。

過度僭建

Alanah Rae話由僭建第一日開始至今，一直都受盡歧視，真係過得好辛苦喎！Alanah Rae解釋：「過去外界總認為我標奇立異，譁眾取寵，整一對超大咪咪用嚟嚇鬼，查實我真正目的係想用行動告訴各界何謂完美咪咪，但由於我骨架比較高大，因此我對FF奶零舍誇張，至引起外界『不安』啫！」

睇咗咁多年Alanah Rae對咪咪，早就睇到慣，相反阿妹走去拆彈，細佬更感可惜，亦由於大眾都受落咗，引起不少同行抄襲，以為有對大燈就係人氣保證，點知Alanah Rae企出嚟話：「有啲人大而無當，要配得起對咪咪，當事人臉形一定要同咪咪成正比，簡單講就係有咁大塊面至有咁大個波，大啲細啲都會影響美感！以我為例，正面睇上半身，就有如三個大小一樣圓形放埋一齊，係咪好順眼呢？」Alanah Rae用咗5年時間證明，真係用心良苦，問題係你早啲講班姊妹咪無需受多刀囉！

Alanah Rae's Profile

出生日期：1988年2月9日

三圍：36FF-26-38

身高：5呎7吋