世界波：浪漫女神 床技優美

四仔界有好多不同類型嘅片種，所以脫星唔一定要夠淫蕩先可以上位，好似Kiara Diane咁，拍親都係唯美浪漫嘅作品，床上動作優美，結果阿妹唔單止闖出名堂，更被封為四仔界浪漫女神添！

阿妹外表甚有睇頭，仲幾有氣質，所以佢從來唔會拍重口味嘅四仔，專拍一啲富浪漫色彩嘅作品，結果大受四仔迷歡迎，話佢係四仔界嘅清泉，出污泥而不染，雖然係誇張咗少少，不過阿妹受歡迎又確係事實。

闖入電視圈

好多大片商都想收歸Kiara為旗下脫星，不過阿妹唔想受到合約嘅束縛，鍾意做自由身，雖然收入無咁穩定，但就有揀戲拍嘅話事權，唔使被迫拍埋啲爛片。至於未來動向，佢就話：「我唔係得個樣，仲好有頭腦，所以一早已經計劃好未來嘅路向，拍多兩年戲之後，就會退出四仔界，再搵專人幫我包裝新形象，然後殺入電視界，從來都冇四仔脫星可以入到電視圈，我好想試吓！」

兩年後引退

電視係家庭式嘅娛樂，所以尺度會比較嚴謹，若然阿妹以前四仔脫星嘅名義殺入電視圈，的確係好有難度喎！Kiara話：「都知道係有難度，但我會努力嘗試，始終拍四仔唔可以係終身職業，轉型係必然嘅事，試問邊有女人鍾意脫到40歲，或者結咗婚生咗BB仲繼續脫吖！所以我要向難度挑戰，萬一發展唔理想，先考慮轉做其他行業，總之兩年後，我一定會離開四仔界。」

Kiara Diane's Profile

三圍：34B-25-34　身高：5呎6吋

年齡：25歲

作品推介

碟名：《Almost Heaven》

內容：呢套係唯美浪漫四仔，畫面好靚、好有詩意，最重要係拍到Kiara好鬼靚，床戲又夠火辣，睇到人大叫安哥。