耳有疤 小人纏身

男人面上有疤,有人會認為更顯男子氣概,但耳仔又另作別論。原來相書話男人耳上有疤,會不斷招惹小人,而且唔止喺工作上,就算喺屋企,甚至感情上,都一樣會出現小人,而且小人出招往往防不勝防。

所以一旦耳仔有疤,就真係日日都煩到死,雖然小人力量有限,但都會令你不勝其煩,發展感情時,可能會遭受到雙方父母親友嘅反對,如果一切正常,對方或者自己嘅身邊,則總有第三者出現,兩人如果不離不棄仍然在一起,定可白頭到老。

房事方面,可以話係唯一不受小人影響嘅地方,所以你會特別珍惜,加上你嘅另一半,都係同你一齊捱過來,情深義重,所以每次親熱都會好有感覺,雙方都會盡力令對方滿足,性生活多數美滿愉快。

達達