歪下巴忽冷忽熱
唔知大家有冇留意有啲人嘅下巴係左右唔平衡，其中一面會特別露出嚟，或者特別凹入去嘅呢，相學稱呢啲為歪下巴。有人話歪下巴唔好，但其實係見仁見智，主要劃分係左邊睇30歲前，右邊睇30歲後，再按佢生成圓尖短削等而作評論。
由於下巴主要講承擔力，所以歪下巴嘅人，講嘢做嘢會前後矛盾，一時一樣，其實唔係佢哋想朝秦暮楚，而係好多時佢哋都唔知點解，對異性硬係忽冷忽熱，一時熱情如火、一時冷若冰霜，如果係女性，問題會更加嚴重，影響姻緣。
情慾方面，佢哋一樣十分麻煩，本來性致勃勃一齊去開房，但途中一定會因為啲小問題而搞到不歡而散；但係呢頭同對方吵完大鑊，轉個頭就態度親暱同對方調情，令伴侶無所適從。