奇聞趣事：囡囡請假考試

最近啲學生正努力考公開試，於是我落旺角睇吓，有冇影響到啲陀地夜場，一上到去見到經理富哥，佢話有幾個囡囡要請假，所以影響都幾大，事關今年係最後一屆畀自修生報考會考，過咗今年唔考就冇o架啦！富哥話：「有3個囡囡當年冇心機讀書，出嚟做嘢之後就發覺考番個證書點都好啲，於是今年以自修生身份來報考會考；另外有兩個囡囡話今年唔考，出年就要讀新課程，所以今年一定要考到。」

至於囡囡平日返工點讀書呢？富哥就話：「佢哋日頭會去補習社，夜晚就返工，冇客人嘅時候佢哋會攞啲筆記出嚟溫習，而考試期間我就叫佢哋請假專心考試，有幾個請咗假，有兩個就照返工，但我就叫佢哋咪飲咁多，否則考唔到試咪怪我！」

皮哥Profile

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk