眉散壓目大凶之相
男人如果眉尾散亂，兼眉壓雙目，加埋目露兇光，原來係大凶之相，30歲前仲好少少，但一到30歲後，就會好易出事，首當其衝嘅係財運會受影響，跟住工作運都會大不如前，可以話係一踏入30歲後，就會厄運纏身，所有風光都會不再。
至於感情運方面，追求異性時會對佢哋百般呵護，出手大方，所以好容易得到異性嘅歡心，不過卻好難持續落去，特別係隨着年紀踏入30歲後，佢哋嘅情緒就會變得好唔穩定，加上事事不如意，財運、工作運日差，容易將滿腔怒火發洩喺自己嘅另一半身上。
至於喺房事上，呢種男人有浪漫柔情嘅一面，但同時又粗暴野性，喺性事上一念天堂，一念地獄，令女伴難以捉摸，最不幸就係呢個情況，會一直到40歲後才會略為改善，所以如果男朋友係咁樣，千祈咪搵自己嘅幸福嚟較飛呀！