一擊即中
雪子同老公結婚幾年，一直都好努力造人，可惜都係唔成功，於是四出尋找生仔方法，希望可以一擊即中。後來雪子得知一間廟宇好靈驗，於是就去求子，廟祝話為表誠心，要喺半夜跪拜祈求，於是雪子決定喺廟宇留宿一晚，之後佢果然成功懷孕，仲生咗個肥肥白白嘅BB。
雪子嘅好姊妹花子，都有同樣不孕嘅煩惱，於是佢去請教雪子有乜嘢生仔秘方，雪子就話：「你只要去廟宇留宿一晚，就可以一索得子o架啦！」花子照住去做，但係一連成個月去咗廟宇祈求都冇效，於是佢再去搵雪子問清楚：「我每晚都半夜起身誠心祈求，仲搵埋廟祝幫手添，點解都唔靈驗嘅？」雪子搖頭話：「你搵廟祝冇用o架！你應該搵廟宇嘅花王嘛，佢一次就搞掂o架啦！」