露乳反核
早前日本東北地區發生9級大地震，除咗令當地市民嘅房屋被摧毀外，仲搞到福島核電廠出現嚴重事故，到家陣都仲有核輻射擴散嘅危機，唔單止令日本同周邊地區心驚驚，仲特別注意核電安全，而坊間更有唔少團體進行反核示威添。
半裸示威
不過，你有你示威，各國核電廠則繼續運作，事關普通遊行示威好難惹人關注，除非好似近年最鍾意進行出位示威嘅烏克蘭女權組織FEMEN嘅一班成員咁半裸示威啦！
剛過去嘅4月係烏克蘭切爾諾貝爾核電廠事故25周年，為表示關注核電安全，烏克蘭政府於首都基輔召開國際會議。而會議當日，一班FEMEN嘅女成員又乘機到會議場地門外嘅廣場示威，手舉反核標語之外，佢哋仲全部上身赤裸！令示威現場波影處處，可憐一班維持秩序嘅警員為免被告非禮，而不知從何入手阻止！自日本福島核事故發生後，近日大家都聞核色變，近年內地大力發展核能，唔知本港或內地會唔會有團體效法FEMEN咁，半裸遊行反對興建核電廠呢？