點解脫星係脫星？

點解咁廢嘅題都起得！咪嘈住，事關呢條題的確係每位脫星接受訪問時嘅必答題之一，而咁啱問題又同脫星Anita Pearl嘅入行經過非常有關喎！

一般囡囡被問到點解要做脫星時，官方答案通常都係為咗享受高潮快感、希望同全球分享完美裸體藝術，甚至老實地答為搵快錢等等！嚟自匈牙利嘅Anita Pearl嘅答案卻出人意表，阿妹話原本過美國係一心想做明星，但因為英文屬「有限公司」，結果誤打誤撞做咗脫星！

英文水皮累事

脫星一詞英文名叫Pornstar，不諳英語嘅Anita Pearl話當初去到洛杉磯，見到四仔片商嘅街招上有個「Star」字以為捧新星，於是膽粗粗入去自薦，公司見有咁索嘅靚女送上門點會唔簽，最後一簽就5年死約，阿妹先發覺搞錯咗！Anita 話：「簽約後至知道原來係要剝衫拍鹹片，初時都幾驚，但諗諗吓呢個都係一個機會，好多明星都係一脫成名o架啦，或者自己都得呢，諗通咗之後就開始拍四仔。公司都好好，初頭都只係叫我拍吓啲自摸戲，後來拍慣咗咪放開啲再拍真槍實彈嘅四仔囉。」

好在Anita夠豁達，否則大家今日就無緣欣賞呢件索女嘅演出喇！計計數，Anita Pearl喺四仔界都有4年光景，雖然大獎未攞過，但每次出現都令人諗起佢嘅蝦碌入行經過，自不然會心微笑！

早前當事人透露响下半年將會有大Project出街，漏口風話係聯同四位匈牙利嘅同鄉姊妹齊齊拍嘅，聽聞仲會玩3D添，希望唔會好似港產嗰套3D片咁令人失望啦！