空姐學跳舞
最近內地有則新聞，引起網友廣泛討論，話說黑龍江有間空姐學院喺訓練「空乘服務員」時，除咗基本課程外，仲要佢哋學埋瑜伽，甚至跳舞，有網友就奇怪學呢啲嘢有咩用？唔通方便喺航行期間悶悶哋表演畀客人睇？
有網友就話，啲空姐學跳舞，係要嚟跳畀上級睇嘅，因為一啲相貌娟好嘅空姐，入職後好多時都唔使上機服務客人，而係會調返總公司，專門負責照顧上級。
親善大使
有人問係咪咁黑暗呀？咁大家又唔好表錯情喎，因為空姐喺總公司行行企企，其實係份優差嚟o架，佢哋間唔中會代表公司做吓親善大使，出席吓啲展覽會，如果囡囡歌精舞勁，識得玩吓樂器，仲會被安排喺展覽場地或者公司大大小小嘅慶典上露兩手。
人工一樣，但唔使飛嚟飛去，仲唔使照顧啲麻煩客人，加上出去做騷除咗有額外津貼之餘，仲可以乘機識吓啲名副其實嘅大老闆，想嫁有錢人嘅囡囡絕對會認為呢份係筍工，難怪空乘學校乜都唔額外教，係要教囡囡跳舞唱歌啦！