特異功能
肥言同老婆美華結咗婚三十幾年，係對老夫老妻。有日，兩人坐喺梳化度並肩睇電視，節目主持人一出場就話：「大家好！今日我請咗個特異功能大師上嚟，為大家進行遠距離發功治療。呢位大師等陣會發功，而電視機前嘅觀眾，只要將一隻手放喺電視度，另一隻手放喺患處，就可以接收到大師嘅功力，從而達到治療嘅效果。依家有請大師為大家發功！」由於美華有長期胃痛，聽到主持人咁講，於是佢即刻走到電視機前，一手按住電視，另一隻手則放喺胃部。肥言聞言亦衝到電視機前，一手放喺電視上，另一隻手就放喺胯下如意棒。美華見到肥言咁做，就冷嘲話：「肥佬，人哋只係話可以醫病，冇話可以起死回生喎！」