中佬慾求不滿
雖然話年紀大機器壞，但係小弟身邊有好多朋友已屆中年，佢哋經常仲去滾，鬼咁好精力。至於呢班朋友點解唔安安分分做個好老公，佢哋都表示因為同老婆嘅性生活出現不協調。當然，對厭咗老婆，所以要外出搵刺激，至係最大原因啦！
根據外國網站LifeGoesStrong.com一個調查發現，原來中年人慾求不滿嘅比率相當高，佢哋搵嚟接近1,500位年齡介乎45至65歲嘅中年男女進行調查，當中有24%覺得性生活唔滿足。本來對房事覺得唔滿足係夫妻雙方面嘅責任，可謂男女有責，不過調查另一個結果指出，女方原來負較大責任，原因係年齡界乎45至65歲嘅男性有61%，認為適當房事乃係保持健康婚姻關係嘅必要一環，但係就有51%受訪女士唔認同。反映出上咗年紀嘅女性覺得房事唔重要，於是咪搞到老公要偷食囉！其實，想白頭到老，兩公婆梗係要坐低講清楚，或者買件情趣玩具返屋企同老婆玩，挑起佢嘅性趣咪仲好！