鏡頭以外的媚態
從事記者嘅小弟，不時都會外出做採訪，期間亦不時要搵美女模特兒合作。老實講，喺專業攝影師輔助下，加上儀態萬千嘅美艷模特兒，拍出嚟嘅相片的確甚有水準。不過，我就覺得鏡頭以外嘅模特兒更吸引我嘅眼球，因為冇咗鏡頭嘅壓力，模特兒動作更自然，流露出嘅美態，予人舒坦又親和嘅感覺。最近日本人氣水着女優小松彩夏就特別將呢種美態一一收錄，成為生涯中第七本寫真集《彩夏之以外》。
小松彩夏自從2003年出道以來，一直都憑住標致又可人嘅美貌，以及纖瘦得嚟上圍飽滿嘅身材，深得水着迷愛戴。最近佢仲為電視劇《Misaki 頭號人物》演出添！不過，過分忙於演出，令彩夏覺得自我迷失，為展現真正嘅自己，彩夏妹決定叫攝影師偷偷哋捕捉自己於不經意情況下，所流露出來嘅自然性感美態。想知道小松彩夏會唔會不經意走光，又或者想知道佢於家鄉嘅生活，就要支持呢本寫真集喇！