柳眉男性事衝衝衝
柳葉眉一般係女士常見嘅眉形，但近年男士潮興中性打扮，竟然有唔少人將條眉修成柳葉形，雖然相學上睇眉運係以天生嗰條眉嘅形狀嚟做標準，但你長時間修成另一種眉形，或多或少都會有影響。
如果男士有條柳葉眉，代表佢好有頭腦。好多人以為男人有條柳葉眉，會變得乸型，其實柳葉眉本身就係賢妻良母、持家有道嘅代表，所以男士有呢種眉，反而更有行動力，而且懂得用頭腦去解決問題，如果從事食腦嘅工作，發展會更佳，但有人得罪你，你亦會諗計謀去報仇。
外形上由於比較討好，所以會深受女性歡迎，但由於性格固執，所以亦難與異性長期交往，至於性事上，喜歡用某幾個體位，就會長時間使用，唔會因為心情好或對方要求而有所改變，而且整個過程都會比較快刀斬亂麻，唔喜歡慢慢享受。