Rita Faltoyano突然蒲頭

奶粉要搶，寫真都要搶！點解？唔關日本事，純粹係匈牙利妹Rita Faltoyano有新寫真出，今日唔搶未知幾時再有貨賣！或者各位會覺得有啲莫名其妙，阿妹身為脫星，出寫真多過食鹽，究竟有乜好搶呢？咁你就錯喇，查實Rita經已長休咗大半年，近期至再度蒲頭，至於停拍四仔就更耐，起碼超過一年冇拍片，網友仲推測阿妹可能搵夠上岸，而當事人就解釋係想趁後生出外闖闖。

出外攞靈感

回歸脫星圈嘅Rita，身形更索，自信十足，原來佢趁放假日子，去咗多個國家充電兼攞靈感，Rita認為：「作為脫星，絕不可以只瞓喺床上，應該多啲出外走吓，體驗不同種族嘅審美標準，咁至可以發揮個人優點，吸納更多粉絲。」難怪阿妹粉絲滿天下，或者同佢經常以多種形象示人有關。

雖然Rita講得動聽，但都唔應該咁自私話走就走，不留下一頁寫真畀影迷慰藉o架？消失大半年後突然復出，話晒你都係70後，再出外跑多兩轉，到時你肯剝Fans都未必肯睇呀！