床上的球場
呢日阿明、肥強同言仔三個球迷相約落吧飲酒，佢哋嘅話題並唔係講波經，而係各自講自己嘅老婆是非。阿明嘆一口氣後，就話：「我屋企隻老虎乸，成日以為自己係球證。」肥強同言仔就問點解。阿明解釋：「我只不過係同佢曳曳時，望咗兩眼電視上直播緊場紅藍大戰，佢就出紅牌罰我落床，唔畀我繼續作戰！」肥強聞言就搖頭話：「你都算好吖，我屋企隻老虎乸唔單止罰我落床，有日佢仲搵咗個後備嚟換我出場添呀！」言仔聽完兩人吐苦水後，居然喺度騎騎笑，阿明同肥強問佢笑乜，言仔就話：「相對你哋嚟講，我就好彩得多，事關我今日成功『賣盤』，以後就可以放膽物色新球員喇！」