高橋愛10年慶寫真
好多大型慶祝活動都以10年為計算單位，小弟我亦曾經為自己單身10周年而聯同一班手足北上玩個天昏地暗，日本知名女歌手高橋愛就為慶祝出道10周年而拍攝盡展魅力嘅寫真集《Love No.10》喇。
今年24歲嘅高橋愛，出身自日本知名女子組合早安少女組，屬於第5期畢業生。自從2001年出道以來，高橋愛嘅名氣有增無減，全因一副柔弱少女面孔深深吸引住樂迷，而近年愛妹就轉以Solo女歌手發展，成績不過不失。由於今年係愛妹出道10周年，所以愛妹決定搞大佢，頭炮就係拍攝寫真《Love No.10》。
喺寫真集中，愛妹以性感水着上陣，其嬌小玲瓏嘅身材以及白雪雪嘅肌膚，盡展少女味道，不過為令寫真集更多元化，愛妹將會分別表現出可愛淘氣，以及成熟冷艷嘅形象，梗有一款令你着迷。