潮男潮女IQ高

歌影雙棲、紅爆全球嘅麥當娜,曾幾何時係我嘅女神,因為佢樣貌同身材兼備,而且走在潮流尖端,仲歌精舞勁,成日有性感演出添!仲有,佢IQ數值有140咁高,絕對係有腦天后。

根據英國經濟學院一項研究發現,原來潮男潮女真係醒目啲o架!呢項研究搵咗1,500名英國男女進行,當中有打扮普通嘅,亦有衣着新潮及外表有型嘅男女,發現潮男嘅IQ比普通男人平均高13.6點,而潮女則比普通女仔平均高11.4點。專家表示,打扮夠潮,兼且身形苗條嘅男女,對於外界感受特別敏感,因此更有潮流觸覺,同時亦重視自己嘅身材,會控制胃口同勤做運動Keep Fit,令自己着衫更好睇。大家睇完呢個研究之後,見到潮女就唔好以為佢哋好容易呃喇!

Max