世界波：即興開波好Mood有Feel

演戲係一種藝術，所以好多四仔脫星都有藝術家脾氣，唔好睇佢哋喺銀幕前人盡可夫，姣到出汁，其實佢哋對事業都好有要求，做愛對佢哋嚟講，絕對係藝術行為，而Gina Jones就係呢類藝術脫星，做愛一定要玩即興。

據知，Gina每次拍戲都同導演吵大鑊，事關佢份人麻煩又挑剔，呢樣唔得，嗰樣又話唔Like，佢話做愛一定要有即興感，先可以做得有Feel，出嚟嘅畫面先能夠吸引觀眾，可惜導演都有藝術家脾氣，結果就係火星撞地球。

愛自由發揮

阿妹話已經向公司反映過，以後拍攝之前一定要同導演開會，費事去到現場吵大鑊，影響晒情緒，冇晒Mood做愛。佢話：「都唔明啲導演點解咁固執，影迷買我嘅四仔，都係為咗欣賞我嘅演出之嘛，唔係想睇導演嘅拍攝技巧囉，所以導演唔應該有太多限制，應該畀我自由發揮，咁先至可以做得更好，出嚟嘅效果更逼真，成日指三指四，搞到我冇晒Mood，床戲又點會做得好吖！」

演而優則導

不過一部戲又唔可以無咗導演，就算演員幾叻都要有導演指導喎！Gina又的確幾自我，搞到好多導演都唔滿意佢。阿妹話：「我唔怕得罪導演o架！最緊要係我啲四仔賣得，咁就有話事權，而且憑住多年經驗，我隨時自導自演都得！依家好多演員都係演而優則導o架喇！我入行咁多年，唔通唔夠班做導演咩？不過我依家想專心做好演員先啫！」

作品推介

碟名：《Fresh Breed 5》

內容：呢齣係一套群戲，有好多金髮女郎上場，Gina雖然佔戲唔多，但係佢好專業，一出場就技壓群雄，同男優砌到落花流水！